Eg tek utgangspunkt i at
dette er ei fornuftig prioritering frå Kunnskapsministeren si side, men undrar
også på kva som ikkje allereie vert dekka i opplæringslova;
§ 1-3.Tilpassa opplæring og tidleg innsats
«Opplæringa skal tilpassast evnene og
føresetnadene hjå den enkelte eleven»,
og i forskrift til
opplæringslova:
§ 3-11.Undervegsvurdering
«Undervegsvurdering
i fag skal brukast som ein reiskap i læreprosessen, som grunnlag for tilpassa
opplæring og bidra til at eleven, lærlingen og lærekandidaten aukar kompetansen
sin i fag».
Samla kan ein seie at elevens kompetanse
skal aukas og opplæringa skal tilpassast, men det er ikkje noko nytt.
I samband med arbeidet til Jøsendalutvalet vart det
utarbeidd ei forskingsoppsummering frå Kunnskapssenter for Utdanning: «Evnerike
elevar og elevar med stort læringspotensial.»
Her kan ein mellom anna lese:
Innhaldet i skulen må vera
tilpassa elevenes kognitive, psykologiske, sosiale, kulturelle og faglige
føresetnader.
Å vere evnerik er
kontekstavhengig og dei evnerike er ikkje ein heterogen gruppe.
Det er viktig med motivasjon
og innsats.
Evnerike elevar er også
sosiale.
Å vere evnerik er ikkje ein
medfødt og uforanderleg eigenskap.
Det er viktig at læraren
skaper ein godt læringsmiljø.
I rapporten frå Jøsendalutvalet kan ein mellom anna lese at:
Det er
spesielt viktig med;
identifisering
og anerkjenning,
pedagogisk
differensiering,
organisatorisk
differensiering.
Det som
fremmer læring er:
medverknad
og sjølvregulert læring,
relasjonar,
kommunikasjon og samarbeid,
motivasjon
og følelsar,
forkunnskapar
og interesser,
utfordringar
å strekkje seg etter,
vurdering
for læring,
djubdelæring
og tverrfaglegheit.
Eg kan ikkje fri meg frå å tenkje at her er det mykje som
er heilt sjølvsagd for dei fleste lærarar. For meg verkar det som om det er
elevar og læringsmiljø generelt som omtalas her. Forfattarane av
forskingsoppsummeringa skriv også at forskinga er mangelfull, av variabel
kvalitet og at det er dels store kunnskapshol. Det er det ikkje vanskeleg å tru
på etter å ha lese denne rapporten.
Eg er skeptisk til behovet for
å avgrense elevar med stort læringspotensial til 10-15% av alle elevar.
Sanninga er vel heller at alle barn har eit ufatteleg stort læringspotensial.
Eldar Dybvik skriv om dette i Aftenposten; er
det verkeleg nokon som kan utelukkast?
Det er nettopp her både gleda
og utfordringa for alle lærarar ligg; å gjera den enkelte elev så god som han
eller ho har potensiale for å bli.
Elevane beskrivne i rapporten treng akkurat like mykje
tilpassa opplæring som det alle elevar treng for å auke læringsutbytte og
realisera læringspotensialet deira. Så enkelt og så vanskeleg.
Føl ein prinsippet om tilpassa opplæring er det lite som er
til hinder for raskare progresjon og
meir dybdelæring for einskilde elevar i eit eller fleire fag eller tema. Det er
heilt i tråd med ambisjonane i Meld.
St. 28 (2015-16) Fag - Fordjuping - Forståing.
Sjølvsagt er elevane
avhengig av ein fagleg og pedagogisk oppdatert lærar som skjøner kva mangfald
vi har av elevar i skulen, men det gjeld alle, og eg er usikker på om det er
naudsynt å setje elevar i bås eller kalla dei noko spesielt for at det skal
vere mogleg.
Det er noko som heiter «å slå inn opne dører». Eg kan ikkje
fri meg for at det er tilfelle i denne saka, sjølv om det sjølvsagt er nokre
fordelar med rapporten. Det er viktig å minnast på at vi i skulen har eit stort
mangfald av elevar med ulike evner og føresetnader og at vi må gjera vårt beste
for at opplæringa fremjar læring, vekst og utvikling for alle.
Ingen kommentarer:
Legg inn en kommentar